EC N1 ინდუსტრიულ სამშენებლო კომპანიად დასახელდა

„ელემენტ ქონსთრაქშენი“ ლიდერ ინდუსტრიულ სამშენებლო კომპანიად დასახელდა. ბიზნეს რეიტინგში პირველი ადგილი კომპანიამ 2024 წელს განხორციელებული პროექტების მიხედვით დაიკავა.

შედეგს მარკეტინგული კვლევის კომპანია GLOBAL IDEA-სა და ბიზნეს გამოცემა THE FINANCIAL-ის კვლევა უდევს საფუძვლად.

„ელემენტ ქონსთრაქშენის“ დირექტორმა ალექსანდრე ოქროშიძემ მიღწეული წარმატებისთვის გუნდის წევრებს მადლობა გადაუხადა. მისი თქმით, ინდუსტრიული მშენებლობის დარგში მოპოვებული ლიდერობის პარალელურად, კომპანია ავითარებს და ზრდის სხვადასხვა სტრატეგიულ სერვისსა და მიმართულებას.

წლის წამყვან ბიზნეს დაჯილდოებაზე გამარჯვებული კვლევის საფუძველზე ვლინდება. გამოკითხვაში მონაწილეობენ:  სახელმწიფო, არასამთავრობო  და ბიზნეს სექტორის წარმომადგენლები, დამოუკიდებელი ექსპერტები ეკონომიკურ საკითხებში,   ხელმძღვანელი პირები, ბიზნესის ადმინისტრირების სპეციალისტები, საკონსულტაციო კომპანიები, უმაღლესი სასწავლებლების პროფესორ-მასწავლებლები.  პარალელურად, გამოიკითხა 1000-ზე მეტი მომხმარებელი.

აღსანიშნავია, რომ ნომერ პირველი ინდუსტრიული სამშენებლო კომპანიის სტატუსი „ელემენტ ქონსთრაქშენმა“ უკვე მეოთხედ მოიპოვა.

‍