კომპანია

04.09.1974

ლევან ბერაძემ მშენებლობის ეკონომიკისა და მართვის სპეციალობით,1996 წელს, საქართველოს ტექნიკური უნივერსიტეტი დაამთავრა. სწავლა გერმანიაში,1998 წელს, „მიუნსტერის ტექნიკურ უნივერსიტეტში“ განაგრძო - მშენებლობის მართვის სპეციალობით.

განათლების მიღების პარალელურად, 2000-2003 წლებში, იგი  გერმანულ სამშენებლო კომპანია „რუკვერკში” სამუშაოთამწარმოებლად მუშაობდა. იმავე პოზიციას ამჯერად უკვე კომპანია „ბრეფელდში”,2003-2005 წლებში, იკავებდა.

2005 წელს, „ მიუნსტერის უნივერსიტეტის“ დამთავრების შემდეგ, ლევანბერაძე საქართველოში დაბრუნდა და 2007 წელს სამშენებლო მიმართულებით კომპანია დააფუძნა.

„ელემენტ ქონსთრაქშენმა“მალევე შეძლო ქართულ სამშენებლო სექტორში მოწინავე პოზიციის დაკავება. ამჟამად, კომპანიისსერვისი სრულად მოიცავს ისეთ სტრატეგიულ მიმართულებებს, როგორიცაა ინდუსტრიული, ჰიდროტექნიკურიდა სამოქალაქო მშენებლობა. გარდა ამისა, „ელემენტ ქონსთრაქშენი“ დამკვეთებს საერთაშორისოსტანდარტის საპროექტო და სარემონტო სამუშაოებით უზრუნველყოფს.

ლევან ბერაძის ხელმძღვანელობით, ჩამოყალიბდა და განვითარდა განსხვავებული პროფილის სამშენებლო კომპანიები, რომლებსაც დღეს „ელემენტ ჰოლდინგი“ აერთიანებს. „ელემენტ ქონსთრაქშენი“ კი ჰოლდინგის წამყვან ბრენდს წარმოადგენს.

‍

22.06.1977

პაატა ჩიტორელიძემ 1994-1998 წლებში, უმაღლესი განათლება თბილისის სახელმწიფო უნივერსიტეტში მიიღო, კომერციისა და მარკეტინგის მიმართულებით. მაგისტრის ხარისხი კი, 2005-2007 წლებში, ბიზნესის ადმინისტრირების პროგრამით, ESM-ში დაიცვა.

2001-2018 წლებში პაატა ჩიტორელიძის საქმიანობა საბანკო სექტორს უკავშირდება.  „თიბისი ბანკში” მას სხვადასხვა წამყვანი პოზიცია ეკავა. მათ შორის, იყო კორპორატიული რეაბილიტაციის განყოფილების უფროსი.

2018 წელს, კორპორატიული და საინვესტიციო საბანკო ბიზნესის დირექტორის მოადგილის პოსტზე მყოფმა, ამჯობინა საკუთარი ძალები მთლიანად მისივე დაფუძნებული სამშენებლო კომპანიისთვის დაეთმო და აქტიურად ჩაერთო „ელემენტ ქონსთრაქშენის“ მართვასა და განვითარებაში.

ამჟამად, პაატა ჩიტორელიძე „ელემენტ ჰოლდინგის“ სამეთვალყურეო საბჭოს ხელმძღვანელობს და შვილობილი კომპანიების, მათ შორის, „ელემენტ ქონსთრაქშენის“  სტრატეგიულ პოლიტიკას განსაზღვრავს.

‍

22.09.1976

გიორგი ბერაძემ 1998 წელს, საქართველოს ტექნიკური უნივერსიტეტი (მანქანათმშენებლობის ფაკულტეტი) დაამთავრა. 2000-2008 წლებში კი გერმანიაში, „მიუნსტერის უმაღლეს ტექნიკურ უნივერსიტეტში“ მანქანათმშენებლობა-კონსტრუქტორის სპეციალობას ეუფლებოდა.

სწავლის დასრულების შემდეგ, დაიკავა ამავე სასწავლებლის ლაბორანტის პოზიცია ლითონთა ტექნოლოგიის კათედრაზე.

გიორგი ბერაძე საქართველოში 2010 წელს დაბრუნდა და „ელემენტ ჰოლდინგის” შვილობილი კომპანიების მართვაში ჩაერთო. მისი ხელმძღვანელობით, ქართული სამშენებლო სექტორისთვის არაერთი ახალი პროდუქტი თუ სერვისი შეიქმნა.

ამჟამად  გიორგი ბერაძე „ელემენტ ჰოლდინგის” სამეთვალყურეო საბჭოს წევრია და აქტიურადაა ჩართული „ელემენტ ქონსთრაქშენისთვის“ პრიორიტეტულ საკითხებში. აღნიშნული კი ინოვაციური მიმართულებების განვითარებასა და სერვისის  საერთაშორისო მასშტაბით გატანას გულისხმობს.

‍

24.11.1985

ალექსანდრე ოქროშიძემ 2003-2007 წლებში საქართველოს ტექნიკური უნივერსიტეტი სამოქალაქო და სამრეწველო მშენებლობის განხრით დაასრულა. მაგისტრის ხარისხი კი, ამავე სასწავლებელში, 2008-2010 წლებში საინფორმაციო სისტემების მენეჯმენტის მიმართულებით დაიცვა.

ალექსანდრე ოქროშიძეს სამშენებლო სფეროში 17-წლიანი გამოცდილება აქვს. აღნიშნული მოიცავს დაგეგმვის, განხორციელებისა და ზედამხედველობის სრულ ციკლს როგორც ჰიდროტექნიკურ, ასევე სამოქალაქო და ინდუსტრიულ მშენებლობაში.

მის პორტფოლიოში არაერთი  რთული სპეციფიკით გამორჩეული, წარმატებით განხორციელებული პროექტია.  ალექსანდრეს საქმიანობის დიდი ნაწილი სხვადასხვა ქვეყანაში მენეჯერულ პოზიციებს მოიცავს. მათ შორის, იგი გახლდათ AGS Construction -ის  დირექტორატთა საბჭოს წევრი.

2023 წლიდან ალექსანდე ოქროშიძე  „ელემენტ ქონსთრაქშენის“ დირექტორია. მისი ხელმძღვანელობით, კომპანია ინარჩუნებს ინდუსტრიული მშენებლობის ჭრილში ლიდერობას, სამოქალაქო და ჰიდროტექნიკური მშენებლობის პროფილს კი არაერთი საერთაშორისო პროექტით ავითარებს.

ალექსანდრე ოქროშიძის ხელმძღვანელობით, 2024 წელს „ელემენტ ქონსთრაქშენმა“  ოპერირება ქვეყნის ფარგლებს გარეთ, კერძოდ კი, უზბეკეთში დაიწყო.

‍