ირაკლი შონია FORBES-ის პროექტის გამარჯვებულია

“ელემენტ ქონსთრაქშენის”  დირექტორი ირაკლი შონია FORBES GEORGIA-ს პროექტის 30 Under 30 გამარჯვებულია.

პროექტის კონცეფცია სხვადასხვა სფეროში მოღვაწე, იმ 30 წლამდე ლიდერთა გამოვლენას გულისხმობს, რომლებიც მკვეთრად გამოხატული ინდივიდუალიზმითა და ხედვით ხასიათდებიან.

„ Forbes 30 Under 30-ის გამარჯვებულები გამორჩეულად წარმატებული ახალგაზრდები არიან.

ისინი თავიანთი ძალისხმევითა და ენთუზიაზმით აღწევენ წარმატებას და ჩვენი მომავლის ამინდს ქმნიან “, - აღნიშნეს ორგანიზატორებმა  დაჯილდოების ცერემონიალზე.

ამავე საღამოზე დაანონსდა სამიტი პროექტის 2020 წლის გამარჯვებულთათვის. ღონისძიება აშშ-ში გაიმართება და მას 2019 წელს დასახელებული ლიდერებიც დაესწრებიან.

„ ელემენტ ქონსთრაქშენის“ გუნდი ულოცავს ირაკლი შონიას აღნიშნულ წარმატებას.

ირაკლი შონიას ხელმძღვანელობით, სამშენებლო კომპანიამ არაერთი გამორჩეულად საინტერესო და წარმატებული პროექტი განახორციელა. პარალელურად, ირაკლი საქართველოს უნივერსიტეტის მოწვეული ლექტორია, არის 10-ზე მეტი სამეცნიერო სტატიის ავტორი.

‍